DE粉專門店 - Powered by Discuz! Board

標題: 用dustmite水劑的問題 [打印本頁]

作者: 匿名 時間: 2017-5-17 17:14 標題: 用dustmite水劑的問題

本人床單在2月發現床蝨,有四五堆蝨,初時以為係小曱甴,估計蝨患已有幾個月
之前兩三個月試用Biokill(紫色滅蟎)狂噴床單,也用過滅蝨粉,但收效不大,隔一兩日又見到,成蟲小蟲都有
我每日早晚都檢查床單,見一隻殺一隻,但好煩
上星期六第一次試用dustmite水劑,噴了整張床,床褥,床單,兩三日沒有出現,但今早又見到1成蟲和2小蟲,有d失望
我想問:
1 Biokill(紫色滅蟎)是否不能滅床蝨?之前我噴了幾枝都似乎無用,dustmite水劑是否比佢有用?
  A : 如果是用於床蝨,建議使用Dustmite和DE粉, Dustmite原理主要攻擊其吸水管並把藥力帶回蝨巢。
2 我打算本星期六再噴dustmite水劑一次,一星期一次ok嗎?要連續用多久才能有效殺光床蝨?
  A : 可以. 床蝨是長久戰, 非三數天便能消滅,要多久才能殺光就要配合吸塵, 清潔, 清什物, 搵蝨竇, 施噴範圍等等多樣工序, 缺一不可. 使用單一產品可以, 但有些地方未必用得上, Dustmite和DE粉共用, 效果更好。
3 我發現之前床單不斷滲出好細位黑點同黑毛,係細到幾乎睇吾到,好似床單(或床褥)入面不斷滲出來,十分恐怖,這些是否蝨屎或幼蟲?即係床單有好多蟲卵?
  A : 好明白你感受

, 唸起都恐怖. 千奇唔好比床蝨嚇怕, 要徹底消滅, 一隻都無得留低

。依你描述相信是床蝨便便, 你要買張床套回來, 內裡放DE粉好等的衰蝨在內自生自滅。床蝨無處不在, 床褥, 床架, 床頭板, 竹蓆, 衣櫃, 甚至於地腳線等亦有機會起竇的。
4 如果床蝨是來自床褥,是否點換床單都無用?我而家用個張係新床單,用左2星期,之前生蝨果2張已掉左?這是第3張
A : 一日未清都唔好買新床, 新傢俬, 寧可打地鋪(可考慮小朋友鋪地的膠墊暫用), 否則只有浪費金錢, 滅蝨要洗的錢好多

, 為免浪費, 會建議客人確定無咬兩個月才考慮添置床鋪,寢頭, 傢俱(自己當時等了四個才買新床)

5 如果床單真係有好多蟲卵,dustmite水劑可殺光d蟲卵嗎?
  A : 床單用鹼粉和大熱水清洗, 熱力可殺蟲卵。
6 如果床蝨匿在床褥入面,會否藏得好深?會否在裡面產卵?我用水劑是否要在床褥噴多些才能入到床蝨d位?
  A : 正如先前提及床蝨無處不在, 只要有窿la, 隙縫位都可以藏身匿埋。除DE粉,Dustmite外可嘗試瞓前用熨斗熨床同吸塵(不過咁做你會好攰)。快D去買個床套番黎入住佢再灑DE粉係裡面觀察吧。
7 我房張人造皮轉椅,一坐上去就會好痕,星期六已用水劑噴過,但坐上去仍會痕,手腳會不時感被蟲咬,是否水劑用在皮椅上無效?
  A : 無問題的, 水劑同樣可以, 但要噴得徹底。如感染嚴重不如丟掉吧。
8 床蝨在幼蟲前是否不會咬人?是否肉眼見不到?我見過淺紅(幼蟲),黑色(小蟲,成蟲),幼蟲已可吸血(整死佢有血)
  A : 無錯 - 幼蟲除了血便,同樣須吸血後才轉變至成蝨。

歡迎光臨 DE粉專門店 (http://hkdeshop.hk/forum/)